கஷ்டம் தண்டனை அல்ல; வாழ்க்கையின் திசை மாற்றம்

கஷ்டம்: தண்டனையா? அல்லது திசை மாற்றமா?

ஒரு மனிதன் வாழ்க்கையில் சந்திக்கும் கஷ்டங்களை பெரும்பாலும் அவன் துரதிர்ஷ்டம், தண்டனை, அல்லது அவனுக்கு எதிரான சக்திகள் என்று நினைத்துக்கொள்கிறான். ஆனால் உண்மையில் கஷ்டங்கள் அவனுக்கு எதிரானவை அல்ல. அவை அவனை அவனுக்கான சரியான இடத்திற்கும், சரியான பாதைக்கும் நகர்த்தும் அழுத்தங்கள் மட்டுமே.

இந்த உலகில் பிரபஞ்சம் பேசுவதில்லை. அது வார்த்தைகளால் அறிவுறுத்துவதில்லை. மனிதனுக்கு அது நிகழ்வுகள் மூலமாக தான் வழிகாட்டுகிறது. ஒரு பாதை நமக்கானது இல்லை என்றால், அந்த வழியில் அமைதி இருக்காது. மனசு குழம்பும். உறவுகள் உடையும். முயற்சிகள் தோல்வியடையும். இது எல்லாம் எதற்காக?
நம்மை அங்கேயே நிறுத்த அல்ல — அங்கிருந்து நகர்த்த.

அமைதி இல்லாத இடம் உனக்கானது அல்ல

வாழ்க்கையின் மிக எளிய ஆனால் மிக ஆழமான சூத்திரம் ஒன்று உண்டு:
“அமைதி இல்லாத இடம் உனக்கான இடம் அல்ல.”

நீ எந்த வேலை, உறவு, சூழ்நிலை, அல்லது மனிதர்களுக்கிடையில் நீண்ட காலம் மன அமைதியில்லாமல் இருக்கிறாயோ, அங்கே பிரபஞ்சம் உனக்கு ஒரு செய்தியைச் சொல்ல முயற்சிக்கிறது.
“இது உன் இடம் இல்லை.”

அந்த உண்மையை நாம் புரிந்துகொள்ள மறுக்கும் போதுதான் கஷ்டங்கள் தீவிரமாகின்றன. அதுவே அழுத்தமாக மாறுகிறது. அந்த அழுத்தம் தான் வாழ்க்கையை அடுத்த நிலைக்கு நகர்த்தும் சக்தி.

கர்மா: கோபமில்லாத கணக்கு புத்தகம்

கர்மா என்பது தண்டனை வழங்கும் சக்தி அல்ல.
அது கருணையுள்ள தேவனும் அல்ல.
கர்மா என்பது ஒரு கணக்கு புத்தகம் போன்றது.

நீ என்ன செய்கிறாயோ — அதையே நீ அனுபவிக்கிறாய்.
அவ்வளவுதான்.

அதில் கோபமும் இல்லை.
கருணையும் இல்லை.
நியாயம் மட்டுமே உள்ளது.

இன்று நீ விதைக்கும் எண்ணங்கள், உச்சரிக்கும் வார்த்தைகள், செய்யும் செயல்கள் — இவை எல்லாம் நாளைய வாழ்க்கையின் முடிவுகளை தீர்மானிக்கின்றன. நல்லது செய்தால் நல்லது திரும்ப வரும். தீமை செய்தால் அதன் விளைவு தவிர்க்க முடியாது.

இதுவே கர்மாவின் விதி.

மனிதர்கள் மூலம் கற்றுக்கொடுக்கும் பிரபஞ்சம்

உண்மையைச் சொன்னால், பிரபஞ்சம் நமக்கு வாழ்க்கையின் ஆழமான பாடங்களை மனிதர்களின் செயல்கள் மூலமாக தான் கற்றுக்கொடுகிறது.

• விமர்சனம்

• துரோகம்

• ஏமாற்றம்

• பழிச்சொற்கள்

இவை எல்லாம் நம்மை உடைக்க அல்ல.

விமர்சனம் – நம்மை உறுதியான மனதுடன் நிற்கக் கற்றுக்கொடுக்கிறது.
துரோகம் – மனிதர்களை தெளிவாகப் புரிந்துகொள்ள உதவுகிறது.
ஏமாற்றம் – பொறுமையை வளர்க்கிறது.
பழிச்சொற்கள் – உள்ளத்தை பக்குவப்படுத்துகிறது.

இந்த அனுபவங்கள் இல்லாமல் ஒரு மனிதன் உள்ளார்ந்த வளர்ச்சி அடைய முடியாது.

கஷ்டங்கள் உன்னை உடைக்க வரவில்லை

வாழ்க்கையில் வரும் கஷ்டங்கள் உன்னை சிதைக்க அல்ல.
அவை உன்னை மாற்ற, நகர்த்த, வளர்க்க வந்தவை.

நீ இதைப் புரிந்துகொள்ளும் நாளில்,
அதே கஷ்டம் —
உன் வாழ்க்கையின் மிகப் பெரிய திருப்புமுனையாக மாறிவிடும்.

பலர் அந்த இடத்தில் நின்றுவிடுகிறார்கள்.
சிலர் அதை புரிந்து கொண்டு முன்னே செல்கிறார்கள்.
அந்த முன்னே செல்லும் மனிதன்தான் வாழ்க்கையில் உயர்கிறான்.

நேர்மையான பாதையை விட்டு விலகாதே

உலகம் எவ்வளவு எதிர்மறைகளை உன் மீது வீசினாலும்,
நீ உன் நேர்மையான பாதையிலிருந்து விலகாதே.

ஏனெனில்,

காலம் தான் மௌனமான நீதிபதி.
பிரபஞ்சம் தான் சரியான நேரத்தில் சரியான பலனை வழங்கும் நியாயமான சக்தி.

நீ அமைதியுடன், உண்மையுடன், நேர்மையுடன் பயணித்தால் —
உன் வாழ்க்கை உன்னை ஒருபோதும் ஏமாற்றாது.