SBI PO அறிவிப்பு 2026 வெளியீடு - 1,500 காலியிடங்கள், புதிய மாற்றங்களுடன் முழு விவரம்!

வங்கித் துறையில் நுழைய அருமையான வாய்ப்பு! SBI PO அறிவிப்பு 2026 வெளியீடு - 1,500 காலியிடங்கள், புதிய மாற்றங்களுடன் முழு விவரம்!

இந்தியாவின் மிகப்பெரிய பொதுத்துறை வங்கியான ஸ்டேட் பேங்க் ஆஃப் இந்தியா (SBI), நாடு முழுவதும் உள்ள அதன் கிளைகளில் காலியாக உள்ள புரொபேஷனரி ஆபீசர் (PO) பணியிடங்களை நிரப்புவதற்கான அதிகாரப்பூர்வ அறிவிப்பை வெளியிட்டுள்ளது. 2026 ஆம் ஆண்டிற்கான இந்த ஆள்சேர்ப்பு அறிவிப்பில் மொத்தம் 1,500 காலியிடங்கள் அறிவிக்கப்பட்டுள்ளன. மத்திய அரசு மற்றும் வங்கித் துறையில் உயரிய பதவியையும், கைநிறைய சம்பளத்தையும் பெற விரும்பும் பட்டதாரி இளைஞர்களுக்கு இது ஒரு பொன்னான வாய்ப்பாகும்.

தகுதியும் விருப்பமும் உள்ள விண்ணப்பதாரர்கள் வங்கியின் அதிகாரப்பூர்வ இணையதளமான SBI Careers Portal வரை செயல்பாட்டில் இருக்கும்.

முக்கியத் தேதிகள் (Recruitment Schedule)

விண்ணப்பதாரர்கள் தேர்வுக்குத் தயாராவதற்கு வசதியாக தற்காலிக கால அட்டவணையை எஸ்பிஐ வெளியிட்டுள்ளது:

ஆன்லைன் விண்ணப்பம் மற்றும் கட்டணம் செலுத்தும் காலம்: ஜூன் 18 முதல் ஜூலை 8, 2026 வரை
முதல்நிலைத் தேர்வு (Prelims) ஹால் டிக்கெட்: ஜூலை 2026 (2வது அல்லது 3வது வாரம்)
முதல்நிலைத் தேர்வு (Phase-I: Prelims): ஆகஸ்ட் 2026
முதன்மைத் தேர்வு (Phase-II: Mains): செப்டம்பர் 2026
மனோதத்துவ சோதனை மற்றும் நேர்காணல் (Phase-III): அக்டோபர் / நவம்பர் 2026
இறுதி முடிவு வெளியீடு (Final Result): நவம்பர் / டிசம்பர் 2026

காலியிடங்களின் விவரம் (Vacancy Breakup)

இந்த ஆண்டு அறிவிக்கப்பட்டுள்ள மொத்தம் 1,500 காலியிடங்களில், 1,446 இடங்கள் வழக்கமான (Regular) காலியிடங்கள் ஆகும். மீதமுள்ள 54 இடங்கள் கடந்த கால பின்னடைவு (Backlog) காலியிடங்கள் ஆகும். இவை இடஒதுக்கீடு விதிகளின்படி பொதுப்பிரிவு (UR), ஓபிசி (OBC), எஸ்சி (SC), எஸ்டி (ST), மற்றும் இடபிள்யூஎஸ் (EWS) ஆகிய பிரிவினருக்குப் பிரித்து வழங்கப்பட்டுள்ளன.

கல்வித் தகுதி மற்றும் வயது வரம்பு (Eligibility Criteria)

கல்வித் தகுதி: விண்ணப்பதாரர்கள் மத்திய அரசால் அங்கீகரிக்கப்பட்ட ஏதேனும் ஒரு பல்கலைக்கழகத்தில் ஏதேனும் ஒரு துறையில் பட்டம் (Graduation Degree) பெற்றிருக்க வேண்டும். இறுதி ஆண்டு படிக்கும் மாணவர்களும் (Final Year Students) இதற்கு தற்காலிகமாக விண்ணப்பிக்கலாம். ஆனால், அவர்கள் செப்டம்பர் 30, 2026 அன்றோ அல்லது அதற்கு முன்போ தங்களது பட்டப்படிப்பை வெற்றிகரமாக முடித்ததற்கான சான்றிதழைச் சமர்ப்பிக்க வேண்டும்.
வயது வரம்பு: ஏப்ரல் 1, 2026 தேதியின்படி, விண்ணப்பதாரரின் வயது 21 முதல் 30 வயதிற்குள் இருக்க வேண்டும். அதாவது, விண்ணப்பதாரர்கள் 02.04.1996 மற்றும் 01.04.2005 ஆகிய தேதிகளுக்கு இடைப்பட்ட காலத்தில் பிறந்திருக்க வேண்டும் (இரு தேதிகளும் உள்ளடங்கும்). எஸ்சி, எஸ்டி, ஓபிசி மற்றும் மாற்றுத்திறனாளிகளுக்கு அரசு விதிகளின்படி வயது வரம்பில் தளர்வுகள் உண்டு.

விண்ணப்பக் கட்டணம் (Application Fee)

பொதுப்பிரிவு, ஓபிசி மற்றும் பொருளாதார ரீதியாக நலிவடைந்த பிரிவினர் (General / OBC / EWS): ₹750
எஸ்சி, எஸ்டி மற்றும் மாற்றுத்திறனாளிகள் (SC / ST / PwBD): கட்டணம் இல்லை (Nil)

ஆகர்ஷகமான சம்பள உயர்வு (SBI PO Salary Structure)

தேர்ந்தெடுக்கப்படும் விண்ணப்பதாரர்களுக்கு ஆரம்ப அடிப்படை ஊதியமாக (Basic Pay) ₹48,480 (4 அட்வான்ஸ் இன்கிரிமென்ட்களுடன்) வழங்கப்படும். இதனுடன் அகவிலைப்படி (DA), வீட்டு வாடகைப்படி (HRA), நகரப் படி (CCA) மற்றும் மருத்துவச் சலுகைகள் என அனைத்தும் சேர்த்து, தற்போதைய 2026 ஆள்சேர்ப்பு சுழற்சியின்படி, ஆண்டுக்கான மொத்த வருமானம் (Annual CTC) சுமார் ₹21.97 லட்சம் வரை உயர்ந்துள்ளது.

2026 அறிவிப்பில் செய்யப்பட்டுள்ள 6 முக்கிய மாற்றங்கள்

இந்த ஆண்டு எஸ்பிஐ வங்கி தேர்வு முறையில் பல அதிரடி மாற்றங்களை அறிமுகப்படுத்தியுள்ளது. விண்ணப்பதாரர்கள் இதைக் கண்டிப்பாகத் தெரிந்துகொள்ள வேண்டும்:

விளக்கமுறைத் தேர்வு மதிப்பெண் குறைப்பு: முதன்மைத் தேர்வில் உள்ள விளக்கமுறைத் தேர்வு (Descriptive Test) முன்பு 50 மதிப்பெண்களுக்கு இருந்தது, இந்த ஆண்டு அது 30 மதிப்பெண்களாகக் குறைக்கப்பட்டுள்ளது.
ஆதார் சரிபார்ப்பு கட்டாயம்: தேர்வு முறையில் முறைகேடுகளைத் தடுக்கவும், விண்ணப்பதாரரின் அடையாளத்தை உறுதிப்படுத்தவும் இந்த முறை முதல் ஆதார் கார்டு சரிபார்ப்பு (Aadhaar Verification) கட்டாயமாக்கப்பட்டுள்ளது.
கூடுதல் தேர்வு மையங்கள்: அயோத்தி (உத்தரப் பிரதேசம்), கம்மம் (தெலுங்கானா), சத்ரபதி சம்பாஜி நகர் (மகாராஷ்டிரா) மற்றும் சுராசந்த்பூர் (மணிப்பூர்) ஆகிய 4 புதிய தேர்வு மையங்கள் சேர்க்கப்பட்டு, மொத்த மையங்களின் எண்ணிக்கை 185 ஆக உயர்த்தப்பட்டுள்ளது.
இணையதள முகவரி மாற்றம்: வங்கியின் அதிகாரப்பூர்வ வேலைவாய்ப்புத் தகவல்களுக்கான தளம் www.sbi.co.in இலிருந்து www.sbi.bank.in என பிரத்யேகமாக மாற்றப்பட்டுள்ளது.
அதிகரிக்கப்பட்ட முயற்சிகள் (Attempts): பொதுப்பிரிவினருக்கு 6 முறைகளும், ஓபிசி பிரிவினருக்கு 9 முறைகளும் தேர்வு எழுத அனுமதி வழங்கப்பட்டுள்ளது.
அதிகரிக்கப்பட்ட சம்பள பேக்கேஜ்: ஆண்டு சிடிசி (CTC) ₹20.43 லட்சத்திலிருந்து ₹21.97 லட்சமாக உயர்த்தப்பட்டுள்ளது.

தேர்வு முறை (Selection Process):

இப்பணிக்குத் தகுதியானவர்கள் மூன்று கட்ட ஆன்லைன் தேர்வுகள் மூலம் தேர்வு செய்யப்படுவர்:

முதல்நிலைத் தேர்வு (Prelims): 100 மதிப்பெண்களுக்கான அப்ஜெக்டிவ் தேர்வு. இதில் ஆங்கிலம், ஆப்டிடியூட், ரீசனிங் பகுதிகள் இருக்கும். செக்ஷனல் கட்-ஆஃப் எதுவும் இல்லை என்பது குறிப்பிடத்தக்கது.
முதன்மைத் தேர்வு (Mains): அப்ஜெக்டிவ் மற்றும் விளக்கமுறைத் தேர்வு உள்ளடக்கியது.
மூன்றாம் கட்டம்: மனோதத்துவ சோதனை (Psychometric Test), குழு விவாதம் மற்றும் நேர்காணல் (Interview).

வங்கித் துறையில் மேலாளர் நிலைக்குச் செல்ல விரும்பும் இளைஞர்கள், கடைசி நேரப் பதற்றத்தைத் தவிர்க்க, ஜூலை 8 ஆம் தேதிக்கு முன்னதாகவே SBI அதிகாரப்பூர்வ இணையதளம் வழியாக விண்ணப்பித்துத் தங்களது தயாரிப்புகளைத் தொடங்குமாறு அறிவுறுத்தப்படுகிறார்கள்.